灣仔平民美食記


首先,介紹越南的湯河先~ 見到呢間野個名幾得意,叫「呀爸河河內越南餐廳」,就入去試下。 一坐低,已有熟客抱怨點解咁快無晒「生牛肉湯河」,話專程黎食。(我心諗:咁誇張?)我就隨意點左「烤豬肉撈檬」,d豬肉脆得黎,又有彈性,d麵爽得黎唔乾又滑,真係有d嚇親。(幻覺黎既,嚇我唔到)之後,我話可否比細細碗湯黎,試下食湯檬啦(見佢餐牌話可以轉湯檬)因為試湯就試到個廚師有幾多功夫。嘩!個湯不得了!一啖再一啖,飲左六七啖都唔會口乾,但又唔係好停得到口。 之後同檯既女人見我飲到咁,又要左一小碗湯,佢忍唔住叫左一聲:「正呀!」我地雙視而笑。 平平地有咁既質素,好難得呀!肉同麵大大份。我剛坐低時,就有個女人直頭叫老細比隻外賣碗,將食唔晒既撈檬連肉打包拎走!! 而我,當然係清晒碗撈檬先走>< 心諗,如果筲箕灣都有得食就好啦! 我勉強維持住一份矜持,扮若無其事咁離開間舖~

第二間,就是「餃掂」,一睇個名就知「食餃子」了。

呢間有幾多款餃子揀,我估即叫即整,因為等得有些少耐,但好爽口,溫度剛好。

湯底可以飲埋,足料九鼎湯,入面有粉葛、鯪魚、鰂魚等。飲得出無味精,因為一D都唔口乾呀!

如果「大肚餓」,可以配麵添!

第三間,係太源街既「漁川米線」既魚湯米線,絕對係健康之選!

食完一碗已經好滿足,6個鐘之後先食下一餐都無問題。

魚湯鮮,不口乾,無味精。下次大家行經可以試下!

其實灣仔有好多平民美食,大家可以行下灣仔慶雲街,坐下呢張舊電影院櫈,行埋入去舖頭,包你有驚喜!

想知灣仔仲帶咩好行?記得睇下面既短片啦!


43 views

MISS JENNY LEUNG

SKW CAT STUDIO@SHAU KEI WAN

©2017 by skwjenny.