筲箕灣的後花園@赤柱
去泗益食咖央西多士有點技巧。首先，泗益星期二休息。此外，上次我下午一點去，店主話叫我兩點先好返來。原因係廚房師傅響「午飯時間」出左去食飯，無人煮食⋯⋯所以，要一早去或者兩點後先去啊！當然最好係閒日先去，就不用排隊了！
▲左邊阿姨的氣場超強，大家落單行埋廚房講。
▲一個人吃會很飽，多一個人分享更好。脂肪都分一半比人嘛～
▲之後散步到美利樓影相
▲行下赤柱大街
▲有時間可以去赤柱公共圖書館頂層影相，都幾靚㗎！
▲順道行下赤柱村道既「郵局」同「惠康」。
歷史文物就在腳邊，惠康前身係警署，建於1859年，於1983年被列為香港法定古蹟。
▲響貨堆之間，竟有歷史文物：「壁爐」，真係估佢唔到啊！
旁邊的郵局都是不容錯過的地方！大家就慢慢發掘吧！
▲沿赤柱村道去黃麻角道，就會到「赤柱軍人墳場」。
▲我懷著謙卑感激之心，感謝曾經保衛香港的每一位勇士。
▲是次悼念在香港保衛戰中，義務參戰的法籍居民。六名法籍勇士為香港獻上了寶貴的生命。
香港人，有責任了解「香港保衛戰」的歷史。
▼按下面影片了解更多：
每年12月，希望大家會想起1941年12月的香港保衛戰。若有時間，身體力行，代表香港人抽空出席相關的悼念儀式。
香港史，就在我們生活之中。